عاشت الكويت حرة أبية

تمر البلاد حاليا بمناسبة عزيزة على القلوب .. نحتفل بالذكرى الـ 48 لاستقلال الكويت من معاهدة بريطانيا و الذكرى الـ 18 لتحريرها من الغزو العراقي الغاشم ..

قد يستغرب البعض إن قلت أني لم اذهب بحياتي كلها ولو لمرة واحدة لمسيرة حدثت بالكويت

لكن ليست تلك الطريقة الصحيحة للتعبير عن حب الوطن ..



من منا لا يحب وطنه ؟؟ من منا لا يشعر بالانتماء له ؟؟

و الله إني لو اشوف علم مقلوب احترق من داخل ..

لو اغط عن الديرة لو 3 ايام اوله عليها حيــل ..

بس هذا مو معناته امشي وارش رغوة على خلق الله !!



حب الوطن شي طلبه منا حتى الاسلام لكن مو هذي الطريقة الصحيحة للتعبير عنه ..



حبي لوطني يكون لما انقل صورة مشرفة عنه بالخارج ..

لما احط اسم ديرتي بين عيوني واحاول ارفعه كثر ما اقدر ..

لما اوقف بويه كل واحد يحاول يشوه صورة الكويت داخلها او خارجها ..

لما نصير كلنا ايد وحدة وقلب واحد اهني نكون صج حققنا حب الوطن ..



ومبرووووووووك لج يا كويت ولكل كويتي تهمه الكويت من صج :)