مع إن مالي شغل بالسياسة .. وما أحبها ولا أعرف عنها شي .. إلا أن موضوع المرشحة الـ د. أسيل العوضي .. أثارني .. وبعد أن اطلعت على الموضوع في أكثر من مدونة وقريت كلام المؤيد والمعارض .. وقريت تصريح الـ د.أسيل .. قررت أني أشمر عن سواعدي واكتب أول موضوع سياسي بالمدونة ..
ما راح أقول إن اهي غلطت لما قالت بنات الكويت مخ فاضي مع إن يحق لنا نعترض .. بس ما راح أتكلم عشان محد يقول الكلام مقتطع وجذي
بس الكلام اللي ما ينسكت عليه تفسير للآية الكريمة على هواها .. لو إن مادتها تتطلب جذي .. ما اعتقد مادتها تطلب منها سوء الأدب مع نساء الرسول - صلى الله عليه وآله وصحبه وسلم - وصحابته .. ما اعتقد كلمة هذوله وصف جيد لأمهات المؤمنين ..وما اعتقد أن قول " هذول الصحابة ملوت الرسول " وصف جيد للصحابة رضوان الله عليهم وما اعتقد أيضا إن المسلمين أوّل كانوا بـخيام !!
واعتقد أن من العيب أن يذكر الرسول - صلى الله عليه وآله وسلم – أكثر من مرة بدون الصلاة والسلام عليه واعتقد أن ذلك لايعد من الأدب مع الرسول عليه أفضل الصلوات وأتم التسليم ..
تسمح لي الدكتورة الفاضلة .. بس دكتورة مثلج المفروض تكون قدوة بأسلوب الحديث حق طالباتها !!
لو كان عذرها ما كان .. فاعتقد بالنسبة لكل شخص عنده انتماء للإسلام .. رسولنا عليه الصلاة والسلام وآل بيته وصحابته وزوجاته أمهات المسلمين خط أحمر غير مسموح بتعديه .. ولا أعتقد إن الـ د. أسيل بهذا الأسلوب وهذه المعتقدات ستمثلنا بمجلس الأمة خير تمثيل !
الكويت غالية علينا .. ولازم نفكر عدل قبل لا نقرر من نعطي صوتنا .. هذي أمانة إحنا مسائلين عنها يوم القيامة !!
.gif)
أنتي صح..
ردحذفو
كلامج صح..
و
انتقادج صح..
يعطيج العافية..
ياه ياه .. شالسياسة :)
ردحذفاثاريج منتي هينه والله .. يبه دشي من وقت لي وقت .. سيري ونحن من ورائكي :)
وتحياتي ..
ويسلمواااااااااااااااااااااا :)
أنصحج ماتعورين قلبج بهالنقاشات لأنها ما تودي ولا تييب ..
ردحذفنقاش جدلي ماراح يوصل لنتيجة ..
وهالاشياء ضرورية للدعاية الانتخابية .. إما لصالح المرشحين أو ضدهم
عموما ..
يعطيج العافية ..
ويزاج الله خير على غيرتج :)
-بدايتاً الدكتوره غلطانه ميه ميه مثل ما قلتي-
ردحذفبس انا ما اقلقني كلامها بكثر ما اقلقني التفكير بخطورت انتشار هذا الفكر ,
يعني بعد كم جيل شبيصير بالكويت يعني عيالنا اشلون راح يتعلمون يتربون في خضم هذا الفكر المنحل,
المفروض اللي يفكر هذا التفكير ما يصعد إلى المجلس ولا يرأس منصب بالكويت, المشكله ان مثل هذا الفكر بعقل دكتوره بجامعه الكويت وياترا كم دكتور بفكر بنفس التفكير ما عرفناه .
اسمحيلي على الاطاله :-)
وتقبلي مروري
وشكراً,
واااااااااو
ردحذفلمه قلتي انج بتكتبين عنها ما توقعت انه يكون جذي فاجأتيني من قلب, انا معاج 100% بكل حرف كاتبته.
لمه تحطين ثقتج بأحد و يطلع مو قدها موقف صعب, لازم نختار الي يمثل ديرتنا خير تمثيل.
"HamoOora"
ردحذفالله يعافيج
رفعتي معنوياتي .. لأنج اول تعليق بأول موضوع سياسي لي :)
لا تقطعين :)
"Q8EL5AIR"
هههههه .. لا يبا ما يصير .. الرجال قوامون على النساء ما يصير انتوا من ورائي :p
"اجتماعي"
اعتقد ياخوي من الواجب ان احنا كلنا نعارض هالشي .. لأن متصل بديننا !
كل شي ممكن ينلعب فيه الا الدين مو عدل ؟!
الله يعافيك .. الله يجزانا الخير اجمعين :)
"بحار مهموم"
و الله كلامك ع الجرح .. هاللي يقولون بنغير وبنجرب ما يفكرون ان هالشي فيه مستقبل عيالهم !
اخخخخ بس لو انا ودفعتي نصوت جان سوينا الهوايل .. يلا ننطر جم سنة :(
احنا لازم يطلع دورنا بأنه انوعي الناس بهالاشياء اللي ممكن تكون غايبة عنها !
حياك الله اخوي .. يشرفنا مرورك :)
"ظلال الدلماء"
احم احم .. فضحتينا .. انا قلت ؟؟ متى ؟؟
بس شدعوة كل هالمدح يبا ؟!
زين اعجبج شي من كتاباتي :P
حطي ثقتج بالمكان الصح .. يعني فيني مثلا بس لما اوصل الثلاثين :P
اختى مروجه كلامج عين العقل
ردحذفوجميل الخوض فى السياسه بس طريجه متعب جداا
الله يوفقج وإن شاء الله نرى فى المجلس شخصيات أمثال صاحبة الطرح الراقى هذا.
السلام عليكم ورحمة الله وبركاته
ردحذفاختي مروجا يعطيج العافيه اولا عالموضوع
ثانيا بالمختصر دخول المرأه للبرلمان والمجلس هذا بوجهت نظري اكبر غلطه
المره مالها الا بيتها وعيالها
لانه ناقصات عقل ودين
المرأه مشاعر وينها او وين المجلس فكرها مو ذاك الزود فعلا في منهم التقيات لكن الولايه للرجل والقوامه للرجل المرأه تربي الرجل عشان اهو اللي يدخل المجلس ويكون الشعب لكن اللي قام يصير الحين العكس
وكلام الدكتوره اسيل يدل على جهلها بالرسول صلى الله عليه وسلم وجهلها بأمهاتنا "زوجات الرسول "عليه الصلاة والسلام
والله شقول غير الله ييعين الديره دام المره بتطلع قوانين وتشريعات او بتساهم فيها
صج المجلس طلع المره من بيتها
طلعوها من بيتها
الله يسامحهم
تقبلي مروري يالغاليه
والسلام عليكم ورحمة الله وبركاته
هذي الي اسمها دكتوره اسيل مال كف على ويها عشان مره ثانيه تعرف شنو تتكلم وتوزن الكلام قبل لاتقوله
ردحذفوشكرا لج بدايه موفقه في النقد السياسي...........
"moonq8"
ردحذفما اعتقد اني بخوض بالسياسة الا اذا احد استفزني :)
اللهم آميــن :P
"Life is Beautiful"
وعليكم السلام ورحمة الله وبركاته
نتشرف بزيارتك الأولى للمدونة
الله يعافيج
كلامج صحيح اختي .. بس انا مع الانتخاب بس ضد الترشيح :)
"جنون الكويت"
عفوا لج حياج الله اختي
اسعدتنا زيارتج الاولى لا تقطعينا :)
عن صهيب رضي الله عنه قال : بينما رسول الله صلى الله عليه و سلم قاعد مع أصحابه إذ ضحك
ردحذففقال : ألا تسألوني مم أضحك ؟
قالوا : يا رسول الله ومم تضحك ؟
قال : عجبت لأمر المؤمن إن أمره كله خير ؛ إن أصابه ما يحب حمد الله ، وكان له خير ، وإن أصابه ما يكره فَصَبَر كان له خير ، وليس كل أحد أمره كله له خير إلا المؤمن .
عابرة من هنا للتحية والسلام
ردحذفو
الله يوفق الكويت وشعبها لكل خير
مودتي